عیدالاضحیٰ کے موقع پر عوامی ریلیف اولین ترجیح ہے، میر مرتضیٰ خان جمالی

گنداخہ:( نامہ نگار فریداحمد) چیئرمین مارکیٹ کمیٹی اوستا محمد میر مرتضیٰ خان جمالی نے عیدالاضحیٰ کے سلسلے میں سبزی منڈی اور مویشی منڈی کا تفصیلی دورہ کیا، جہاں انہوں نے مال مویشی، سبزیوں اور پھل فروٹ کی قیمتوں کا جائزہ لیا۔ اس موقع پر انہوں نے بیوپاریوں، سبزی فروشوں اور پھل فروشوں سے ملاقات کرتے ہوئے ہدایت کی کہ عیدالاضحیٰ کے مقدس موقع پر عوام کو ہر ممکن ریلیف فراہم کیا جائے اور اشیائے خوردونوش سمیت قربانی کے جانور مناسب قیمتوں پر فروخت کیے جائیں۔چیئرمین مارکیٹ کمیٹی میر مرتضیٰ خان جمالی نے کہا کہ عیدالاضحیٰ ایثار، قربانی، بھائی چارے اور غریبوں کے ساتھ خوشیاں بانٹنے کا عظیم اسلامی تہوار ہے، لہٰذا تاجروں اور بیوپاریوں کی بھی ذمہ داری ہے کہ وہ ناجائز منافع خوری سے گریز کریں اور عوامی سہولیات کو مدنظر رکھتے ہوئے مناسب نرخوں پر خرید و فروخت کو یقینی بنائیں۔انہوں نے کہا کہ حکومت اور مارکیٹ کمیٹی کی کوشش ہے کہ عید قرباں کے موقع پر متوسط اور غریب طبقے کو زیادہ سے زیادہ سہولیات میسر آئیں تاکہ وہ بھی عید کی خوشیوں میں بھرپور انداز سے شریک ہوسکیں۔ انہوں نے مزید کہا کہ ذخیرہ اندوزی اور منافع خوری کسی صورت برداشت نہیں کی جائے گی جبکہ منڈیوں میں صفائی، نظم و ضبط اور نرخناموں پر عملدرآمد کو یقینی بنایا جائے گا۔میر مرتضیٰ خان جمالی نے اس عزم کا اظہار کیا کہ عوامی مفاد کے تحفظ اور عیدالاضحیٰ کے دوران اشیائے ضروریہ کی قیمتوں کو کنٹرول میں رکھنے کیلئے مارکیٹ کمیٹی اپنی ذمہ داریاں پوری کرے گی تاکہ شہریوں کو ریلیف فراہم کیا جاسکے۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی