امریکی سینٹکام نے قبضے میں لیے جانیوالے ایرانی جہاز پر حملے کی ویڈیو جاری کر دی

امریکی سینٹکام نے ایرانی تجارتی جہاز پر کارروائی کی ویڈیو جاری کر دی ہے، جس میں دعویٰ کیا گیا ہے کہ امریکی میرینز نے جہاز پر قبضہ کر لیا ہے اور اسے تحویل میں لے لیا گیا ہے۔
تفصیلات کے مطابق امریکی سینٹکام کا کہنا ہے کہ بحری کارروائی کے دوران ایرانی جہاز کو روکا گیا اور بعد ازاں اس پر کنٹرول حاصل کر لیا گیا۔
اس سے قبل سابق امریکی صدر ڈونلڈ ٹرمپ نے دعویٰ کیا تھا کہ ایک ایرانی مال بردار جہاز “ٹوسکا” نے آبنائے ہرمز میں امریکی بحری ناکہ بندی توڑنے کی کوشش کی، تاہم امریکی بحریہ نے اسے تحویل میں لے لیا۔
دوسری جانب ایران نے واقعے کی تصدیق کرتے ہوئے مؤقف اختیار کیا ہے کہ امریکی فورسز نے بحیرۂ عمان میں ایرانی تجارتی جہاز پر فائرنگ کی، جس سے اس کا نیویگیشن سسٹم متاثر ہوا اور متعدد اہلکار جہاز پر موجود تھے، بعد ازاں جہاز کو قبضے میں لے لیا گیا۔
ایرانی حکام نے اس کارروائی کو کھلی جارحیت قرار دیتے ہوئے سخت ردعمل کا انتباہ دیا ہے، اور کہا ہے کہ اسلامی جمہوریہ ایران کی مسلح افواج اس اقدام کا مناسب اور مؤثر جواب دیں گی۔

Browse Posts

بجلی کے نظام کی جدیدیت کی جانب اہم پیشرفت، اسمارٹ میٹرز کی تنصیب لازمی قرار

آبنائے ہرمز کی ناکہ بندی مذاکرات میں رکاوٹ ہیں، فیلڈ مارشل کی ٹرمپ سے گفتگو

سونے کی قیمت میں کمی، فی تولہ کتنے کا ہوگیا؟