کراچی: تیز رفتار گاڑی موٹر سائیکل کو ٹکر مار کر فرار، ماں بحق اور جواں سال بیٹا شدید زخمی

کراچی: ڈیفنس میں ایک تیز رفتار ویگو ڈالے کی ٹکر سے موٹر سائیکل پر سوار ماں جاں بحق اور اس کا بیٹا شدید زخمی ہو گیا۔ پولیس نے قانونی کارروائی مکمل کرنے کے بعد گاڑی کی تلاش شروع کر دی ہے اور سی سی ٹی وی فوٹیجز بھی حاصل کی جا رہی ہیں۔

رپورٹ کے مطابق یہ حادثہ جمعرات کی صبح ڈیفنس فیز 5، چھبیس اسٹریٹ کے قریب پیش آیا۔ متاثرہ خاتون کی شناخت 60 سالہ مقصود زوجہ اللہ دتہ اور زخمی بیٹے کی شناخت 30 سالہ سجاد ولد اللہ دتہ کے طور پر ہوئی ہے۔ دونوں کو چھیپا ایمبولینس کے ذریعے جناح اسپتال منتقل کیا گیا۔

ایس ایچ او درخشان، راشد علی نے بتایا کہ یہ حادثہ سفید رنگ کی ویگو ڈالے کی ٹکر سے پیش آیا اور پولیس نے قانونی کارروائی مکمل کرنے کے بعد گاڑی کی تلاش شروع کر دی ہے۔

دوسری جانب گلشن اقبال بلاک 13 میں ایک عمارت کے اندر لفٹ سے گرنے سے 58 سالہ اختر ولد یوسف مسیح جاں بحق ہو گیا۔ لاش کو قانونی کارروائی کے لیے سول اسپتال منتقل کیا گیا اور پولیس اس واقعے کی مزید تفتیش کر رہی ہے۔