بھارتی فضائیہ کا SU-30MKI طیارہ آسام میں گر کر تباہ

آسام: بھارتی فضائیہ کا ایک جنگی طیارہ SU-30MKI مبینہ طور پر ریاست آسام کے ضلع کربی انگلونگ میں گر کر تباہ ہو گیا۔ ذرائع کے مطابق تباہ ہونے والے طیارے کا سیریل نمبر SB-175 بتایا جا رہا ہے۔

ابتدائی اطلاعات کے مطابق طیارہ معمول کی پرواز پر تھا کہ اچانک رابطہ منقطع ہو گیا، جس کے بعد تلاش کے دوران اس کے گرنے کی اطلاع موصول ہوئی۔ واقعے کے بعد امدادی اور ریسکیو ٹیمیں موقع پر روانہ کر دی گئیں جبکہ حادثے کی وجوہات جاننے کے لیے تحقیقات شروع کر دی گئی ہیں۔

بھارتی حکام کی جانب سے واقعے کی مزید تفصیلات تاحال جاری نہیں کی گئیں۔