عیدالفطر سے قبل بلوچستان کے سرکاری ملازمین کو تنخواہیں دینے کا فیصلہ

کوئٹہ: حکومت بلوچستان کے محکمہ خزانہ نے عیدالفطر کے پیش نظر صوبے کے سرکاری ملازمین اور پنشنرز کو مارچ 2026 کی تنخواہوں اور پنشن کی ادائیگی قبل از وقت کرنے کا فیصلہ کر لیا ہے۔

محکمہ خزانہ کی جانب سے جاری اعلامیے کے مطابق مارچ 2026 کی تنخواہیں، الاؤنسز اور پنشن جو معمول کے مطابق یکم اپریل کو ادا کی جانی تھیں، اب 16 مارچ 2026 کو ادا کی جائیں گی۔

اعلامیے میں کہا گیا ہے کہ اس فیصلے کا اطلاق بلوچستان بھر کے تمام سرکاری ملازمین اور پنشنرز پر ہوگا تاکہ عیدالفطر کے موقع پر انہیں مالی سہولت فراہم کی جا سکے۔

عیدالفطر سے قبل بلوچستان کے سرکاری ملازمین کو تنخواہیں دینے کا فیصلہ