سونے کی عالمی اور مقامی مارکیٹوں میں قیمت کم ہو گئی

کراچی: عالمی اور مقامی مارکیٹوں میں سونے کی قیمت میں نمایاں کمی ریکارڈ کی گئی ہے۔

بین الاقوامی بلین مارکیٹ میں سونے کی قیمت 24 ڈالر فی اونس کم ہوکر 4 ہزار 406 ڈالر فی اونس ہوگئی۔

عالمی مارکیٹ میں کمی کے اثرات مقامی صرافہ بازاروں پر بھی پڑے، جہاں فی تولہ سونے کی قیمت 2 ہزار 400 روپے کمی کے بعد 4 لاکھ 63 ہزار 136 روپے کی سطح پر آگئی۔

اسی طرح 10 گرام سونے کی قیمت میں 2 ہزار 58 روپے کمی ہوئی، جس کے بعد نئی قیمت 3 لاکھ 97 ہزار 64 روپے ہوگئی۔

دوسری جانب فی تولہ چاندی کی قیمت بھی 39 روپے کمی سے 7 ہزار 59 روپے جبکہ 10 گرام چاندی کی قیمت 34 روپے کمی کے بعد 6 ہزار 51 روپے ہوگئی۔