مستونگ میں پولیس تھانے پر دستی بم حملہ، ایک اہلکار زخمی

مستونگ: نامعلوم مسلح افراد نے پولیس تھانے پر دستی بم سے حملہ کردیا، جس کے نتیجے میں ایک پولیس اہلکار زخمی ہوگیا۔

پولیس ذرائع کے مطابق حملہ آوروں نے تھانے کو دستی بم سے نشانہ بنایا، جس کے باعث زور دار دھماکا ہوا۔ دھماکے کی آواز دور دور تک سنی گئی، جبکہ واقعے کے بعد علاقے میں خوف و ہراس پھیل گیا۔

زخمی پولیس اہلکار کو فوری طور پر طبی امداد کے لیے ہسپتال منتقل کردیا گیا، تاہم اس کی حالت سے متعلق مزید معلومات تاحال سامنے نہیں آسکیں۔

واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کردیا۔ پولیس نے حملہ آوروں کی تلاش کے لیے مختلف مقامات پر کارروائی بھی شروع کردی ہے۔