اسلام آباد ہائی کورٹ کے تین ججز کے تبادلوں کا معاملہ سپریم کورٹ میں چیلنج کر دیا گیا

اسلام آباد ہائی کورٹ کے تین ججز کے تبادلوں کا معاملہ سپریم کورٹ میں چیلنج کر دیا گیا
ججز کا ٹرانسفر آئین کے آرٹیکل 2 اے کے منافی ہے، لاہور ہائیکورٹ بار ایسوسی ایشن کادرخواست میں مؤقف

لاہور ہائیکورٹ بار ایسوسی ایشن نے حامد خان کے ذریعے درخواست دائر کرتے ہوئے مؤقف اختیار کیا ہے کہ ججز کا ٹرانسفر آئین کے آرٹیکل 2 اے کے منافی ہے۔

درخواست میں کہا گیا ہے کہ تبادلوں کے عمل میں شفافیت کا فقدان ہے اور اس حوالے سے کوئی واضح وجوہات بھی فراہم نہیں کی گئیں۔

درخواست میں وفاقی حکومت اور جوڈیشل کمیشن کو فریق بنایا گیا ہے، جبکہ عدالت سے استدعا کی گئی ہے کہ ججز کے تبادلوں کے عمل کو کالعدم قرار دیا جائے۔