جشنِ جون ایلیا منانے کا اعلان مشاعروں اور مذاکروں کی بہار

ادبی منظر ۔۔۔۔۔۔۔۔۔۔۔۔۔۔۔ شیخ فرید
جشنِ جون ایلیا منانے کا اعلان
مشاعروں اور مذاکروں کی بہار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہاں آراء تبسم اور غلام علی جون کی ادبی تنظیم سے علحیدگی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایلاف پبلیشرز کی نئی کتابیں ، اور تقریبِ رونمائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وادیء کوئٹہ ایرانی تہوار “نو روز” کے بعد موسمی اعتبار سے اپنا رنگ یوں بدلتی ہے کہ وادی کا منظر ہی بدل جاتا ہے ۔ اِس مرتبہ کوئٹہ کا ادبی منظر اِس حوالے سے منفردیت ہے کا غمازی تھا کہ اب کی بار کوئٹہ مشاعروں ، ادبی محافل ، ادبی مجالس میں مذاکرے و مباحثے اہلِ ذوق کی توجہ کا مرکز رہے ۔ اور خوش آئند امر یہ ہے کہ جوان فکر شاعر اور جون ایلیا کے پرستار اور عقیدت مند غلام علی جون نے جشن جون ایلیا منانے کا اعلان کر دیا ہے ۔ اِس تقریب کی صدارت شہرت یافتہ شاعر افتخار عارف کرینگے ۔جشن جون ایلیا کے موقع پر مذاکرہ اور بہت بازی کا ایونٹ بھی ہو گا ۔
کوئٹہ میں گزشتہ ہفتہ رفتہ ادب کا سورج اپنی پوری آب و تاب کے ساتھ تابیانیاں رکھتا رہا ۔ نوابزادہ حاجی میر لشکری خان رئیسانی کے سرپرستی میں ہونے والے محفل مشاعرہ میں بیرونِ شہر سے نامور شعراء نے شرکت کی ، یہ مشاعرہ معروف شاعر عباس تابش کی زیر صدارت نوری نصیر خان کلچرل کمپلیکس کے آڈیٹوریم میں ہوا ، مشاعرے کو نوابزادہ حاجی میر لشکری خان رئیسانی ، ڈائریکٹر خانہ فرہنگ ایران ابوالحسن میری، ڈائریکٹر کلچر داؤد ترین سمیت مقامی شعراء بڑی تعداد میں رونق بخشی ۔ مشاعرے میں پاکستان کے معروف شعراء عباس تابش ، خالد ندیم شانی، شکیل جاذب ، لطیف ساجد ، مبشر سعید، جہاں آراء تبسم ، منیب مغل ، غلام علی جون ، محسن چنگیزی ، خرم آفاق ، سرور جاوید ، عرفان احمد بیگ ، تسنیم صنم ، اعجاز امر ، احمد وقاص ، مصطفیٰ شاہد ، طالب حسین ، کامران قمر ، سلام عاصی ، جہانگیر کاوش ، فہمیدہ گل ، غزالہ بٹ ، عظیم انجم ہانجھی ، فیض محمد شیخ ، سعود جمالی اور ذوالفقار رضا سمیت دیگر نے اپنا کلام سنایا ۔ اِس مشاعرے کا سہرا نوابزادہ حاجی میر لشکری خان رئیسانی کے سر جاتا ہے ۔ اُنھوں نے مشاعرے کے اختتام پر اپنے خطاب میں ملک بھر سے آنے والے شعراء کو بلوچستان آمد پر اہل بلوچستان کی جانب سے خوش آمدید کہتے ہوئے کہا کہ ہمارے خطے میں طویل عرصہ سے ایک گھٹن اور جمود کی کیفیت ہے اور جمود زوال کی نشانی ہوتی ہے ، ارتقاء اور جمود کے ٹکراؤ میں ارتقاء کو جیتنا ہوگا ، انہوں نے کہا کہ آج بلوچستان کو ایک سیاسی علمی ادبی مزاحمت کی ضرورت ہے جو قومی ترقی اور ارتقاء کیلئے ہو ، انہوں نے کہا کہ ارتقاء اور جمود کے درمیان کے ٹکراؤ میں ہمیشہ علمی ادبی لوگوں نے ارتقاء کا ساتھ دیا ہے اور یقینا ایک دن جمود کو شکست اور ارتقاء کی فتح ہوگی ، قلم ، ادب اور کتاب سے تعلق رکھنے والے لوگ بلوچستان سے جمود کے خاتمہ میں اپنا کردار ادا کریں ۔
ہفتہ کو کویٹہ کی خوبصورت جھیل ہنہ کے کنارے ادبی محفل سجی اور شعراء نے اپنا کلام سنایا ۔ ملک بھر سے آۓ ہوئے مہمانوں کو ڈائریکٹر جنرل ابوالحسن میری خانہء فرہنگ کوئٹہ کی طرف سے خانہء فرہنگ ایران کوئٹہ آنے کی دعوت دی گئی اس تقریب میں پاک ایران دوستی ، ایران کی جنگی حکمت , عملی اور جنگی اثرات پر گفتگو کے حوالے سے ایک مکالماتی نشست کا اہتمام کیا گیا تھا ۔جہاںِ زار ادب سے محترمہ جہاں آراء تبسم نے علحیدگی اختیار کر لی ہے ۔اور غلام علی جون نے بھی شاہد آفاق سے کنارہ کش کر لی ہے ۔ ایلاف پبلیشرز نے حالیہ دنوں میں احمد وقاص کاشی کا دوسرا شعری مجموعہ “چپ کا شور” شائع کیا ہے جس کی تقریبِ رونمائی عنقریب متواقع ہے ۔ایک اور شعری مجموعہ “اکتفا” کے علاوہ معروف شاعر محسن شکیل کا شعری مجموعہ “گداز” بھی اِسی ہفتہ منصہ شہود پر آ رہا ہے ۔
16 شعری مجموعوں کی شاعرہ محترمہ صدف غوری کا تازہ کلام ،،سنگِ صدف،، شائع ہو گیا ہے ۔جس کی تقریبِ رونمائی بلوچستان رائٹرز گلڈ (برگ) کے زیرِ اہتمام اِسی ماہ برگ دارالمطالعہ میں منعقد کی جائے گی ۔

Browse Posts

پاکستان کی بیٹی گل افشاں طارق انٹرنیشنل بائیکر

میرواہ گورچانی کے مسائل — ایک سنجیدہ المیہ تحریر۔ رانا علی اکبر

بلوچستان کی ادبی و لسانی نمود کا ابلاغیاتی پہلو