کوئٹہ، مغربی بائی پاس پائپ لائن کی مرمت تاخیر کا شکار

کوئٹہ: مغربی بائی پاس کلی کلی خلی کے قریب تباہ ہونے والی گیس پائپ لائن کی مرمت ابھی تک شروع نہیں ہو سکی۔

سوئی سدرن گیس کمپنی کے حکام کے مطابق پائپ لائن کی مرمت کے لیے ضروری سکیورٹی کلیئرنس نہ ملنے کی وجہ سے کام مؤخر ہو رہا ہے۔ پیر کو ہونے والے بم دھماکے سے 18 انچ قطر کی پائپ لائن اور اسمبلی والو شدید نقصان زدہ ہوئے تھے۔

اس حادثے کے بعد مستونگ، قلات، پشین، کچلاک، زیارت اور کوئٹہ کے مختلف علاقوں، بشمول ہزارہ ٹاؤن، ہزارگنجی، خروٹ آباد، پشتون باغ، خیزی اور نوحصار میں گیس کی فراہمی معطل ہو گئی ہے۔

گیس کی بندش سے صارفین، خاص طور پر خواتین کو کھانا پکانے اور روزمرہ کے کاموں میں شدید مشکلات کا سامنا ہے۔