قاسم سوری کی صحافیوں کے گھروں اور دفتر پر چھاپوں کی مذمت، آزادیِ صحافت پر تشویش کا اظہار

کوئٹہ: سابق ڈپٹی اسپیکر قومی اسمبلی قاسم خان سوری نے کوئٹہ کے مقامی صحافیوں آغا عبید اور ڈاکٹر ثناء اللہ اچکزئی کے گھروں سمیت بلوچستان امیج نیوز کے دفتر اور مقبول جعفر کے دفتر پر چھاپوں کی شدید مذمت کی ہے۔

قاسم سوری نے کہا کہ صحافیوں کے گھروں اور دفاتر پر چھاپے قابلِ مذمت ہیں۔ اس واقعے کے بعد بلوچستان میں صحافتی آزادی، آزادیٔ اظہار اور صحافیوں کے تحفظ سے متعلق سوالات اٹھ رہے ہیں۔

صحافتی حلقوں کی جانب سے مطالبہ کیا جا رہا ہے کہ ان کارروائیوں کے حوالے سے شفاف وضاحت سامنے لائی جائے اور قانون کے مطابق صحافیوں اور ان کے اہلِ خانہ کے حقوق کا تحفظ یقینی بنایا جائے۔