وفاقی وزراء، وزرائے مملکت،مشیروں اور معاونین خصوصی نے رواں سال کتنی تنخواہ لی؟

اسلام آباد: وفاقی وزراء، وزرائے مملکت، مشیروں اور معاونین خصوصی کی رواں مالی سال کے دوران تنخواہوں اور مراعات کی تفصیلات سامنے آ گئی ہیں۔

سرکاری دستاویزات کے مطابق وفاقی کابینہ کے اراکین، مشیران اور معاونین خصوصی نے اب تک مجموعی طور پر 40 کروڑ 72 لاکھ 16 ہزار روپے تنخواہوں اور الاؤنسز کی مد میں وصول کیے ہیں۔

دستاویزات کے مطابق وزراء اور معاونین کے زیر استعمال 100 سے زائد گاڑیوں کے اخراجات، جن میں مرمت اور پٹرول شامل ہیں، پر 26 کروڑ 64 لاکھ روپے خرچ کیے جا چکے ہیں۔

مزید برآں، رواں مالی سال کے لیے وفاقی کابینہ کے اراکین، مشیروں اور معاونین خصوصی کے لیے مجموعی طور پر 68 کروڑ 87 لاکھ 27 ہزار روپے مختص کیے گئے ہیں۔