ایف بی آر کیلئے مارچ کا ٹیکس ہدف چیلنج، بڑے شارٹ فال کا خدشہ

اسلام آباد: فیڈرل بورڈ آف ریونیو (ایف بی آر) کو مارچ 2026 کے ٹیکس ہدف کے حصول میں شدید مشکلات کا سامنا ہے، جبکہ ٹیکس وصولیوں میں بڑے شارٹ فال کا خدشہ ظاہر کیا جا رہا ہے۔

ذرائع کے مطابق ایف بی آر کے لیے مارچ کا 1367 ارب روپے کا ہدف ایک بڑا چیلنج بن چکا ہے اور موجودہ وصولیوں کے رجحان کو دیکھتے ہوئے ادارہ مقررہ ہدف حاصل کرنے میں پیچھے رہ سکتا ہے۔

ابتدائی اندازوں کے مطابق مارچ کے دوران 150 سے 200 ارب روپے تک کے شارٹ فال کا امکان ہے، جس سے حکومتی مالی اہداف متاثر ہونے کا خدشہ ہے۔

ماہرین کا کہنا ہے کہ معاشی سست روی اور ٹیکس وصولی کے نظام میں موجود چیلنجز اس کمی کی بڑی وجوہات ہو سکتی ہیں۔