آپریشن غضب للحق؛ باجوڑ سیکٹر میں گائیڈڈ میزائل سے افغان طالبان کی پوسٹوں پر حملہ

Bajaur سیکٹر میں پاک افغان سرحد کے قریب افغان طالبان کی متعدد پوسٹوں کو تباہ کر دیا گیا۔

سیکیورٹی ذرائع کے مطابق پاک افواج نے آپریشن غضب للحق کے تحت افغان طالبان اور فتنۃ الخوارج کے خلاف بھرپور جوابی کارروائی کرتے ہوئے سرحدی علاقے میں قائم طالبان کی پوسٹوں کو نشانہ بنایا۔

ذرائع کے مطابق کارروائی کے دوران پاک فوج نے گائیڈڈ میزائل کا استعمال کرتے ہوئے پاک افغان سرحد سے ملحقہ افغان طالبان کی پوسٹوں کو مکمل طور پر تباہ کر دیا۔

حکام کا کہنا ہے کہ دہشت گرد عناصر کے خلاف کارروائیاں جاری رہیں گی اور آپریشن غضب للحق اپنے اہداف کے حصول تک جاری رکھا جائے گا۔