بیٹیاں کمزور نہیں ہوتیں صرف انہیں موقع اور اعتماد کی ضرورت ہوتی ہے،پروفیسر ڈاکٹر ضابطہ خان شنواری

بیٹیاں کمزور نہیں ہوتیں صرف انہیں موقع اور اعتماد کی ضرورت ہوتی ہے،پروفیسر ڈاکٹر ضابطہ خان شنواری
اگر بیٹیوں کو تعلیم، آزادی اور اعتماد دیا جائے تو وہ معاشرے کا مستقبل بدل سکتی ہیں۔وائس چانسلر وفاقی اردو یونیورسٹی
اسلام آباد(نمائندہ خصوصی)گلوبل ٹائمز میڈیا یورپ کے مطابق شیخ الجامعہ وفاقی اردو یونیورسٹی پروفیسر ڈاکٹر ضابطہ خان شنواری کا عالمی یوم خواتین کے موقع پر اپنے پیغام میں کہا کہ آج عالمی یومِ خواتین کے موقع پر میں فخر سے یہ کہنا چاہتا ہوں کہ اللہ تعالیٰ نے مجھے پانچ بیٹیوں سے نوازا ہے۔ ہم ایک قبائلی علاقے سے تعلق رکھتے ہیں، جہاں کبھی بیٹیوں کے لیے مواقع محدود سمجھے جاتے تھے، لیکن الحمدللہ آج میری تمام بیٹیاں اعلیٰ تعلیم یافتہ ہیں اور اپنی اپنی زندگی میں نمایاں کارکردگی دکھا رہی ہیں۔یہ اس بات کا واضح ثبوت ہے کہ بیٹیاں کمزور نہیں ہوتیں، صرف انہیں موقع اور اعتماد کی ضرورت ہوتی ہے۔ اگر انہیں تعلیم، آزادی اور اعتماد دیا جائے تو وہ نہ صرف اپنے خاندان بلکہ پورے معاشرے کا مستقبل بدل سکتی ہیں۔وائس چانسلر وفاقی اردو یونیورسٹی پروفیسر ڈاکٹر ضابطہ خان شنواری نے مزید کہا کہ میری بیٹیاں اس حقیقت کی زندہ مثال ہیں کہ بیٹیوں کو جگہ دیں، وہ دنیا بدل کر دکھائیں گی۔