پشاور اسکول سانحہ، وزیراعلیٰ بلوچستان میر سرفراز بگٹی کا اظہارِ افسوس

کوئٹہ: وزیراعلیٰ بلوچستان میر سرفراز بگٹی نے پشاور میں نجی اسکول کی چھت گرنے سے معصوم طلبہ کے جاں بحق ہونے پر گہرے دکھ اور افسوس کا اظہار کیا ہے۔
ایک بیان میں وزیراعلیٰ میر سرفراز بگٹی نے جاں بحق بچوں کے اہل خانہ سے دلی تعزیت اور ہمدردی کرتے ہوئے کہا کہ معصوم بچوں کی قیمتی جانوں کا ضیاع انتہائی افسوسناک اور دل دہلا دینے والا سانحہ ہے۔
انہوں نے حادثے میں زخمی ہونے والے بچوں کی جلد صحت یابی کے لیے دعا کرتے ہوئے کہا کہ غم کی اس گھڑی میں وہ سوگوار خاندانوں کے دکھ میں برابر کے شریک ہیں۔