پشاور اسکول حادثہ، وزیراعظم شہباز شریف کا اظہار افسوس

اسلام آباد: وزیراعظم محمد شہباز شریف نے پشاور میں نجی اسکول کی چھت گرنے کے افسوسناک واقعے میں قیمتی جانوں کے ضیاع پر گہرے دکھ اور افسوس کا اظہار کیا ہے۔
وزیراعظم نے واقعے میں جاں بحق ہونے والے معصوم بچوں سمیت تمام افراد کے درجات کی بلندی کے لیے دعا کی اور سوگوار خاندانوں سے دلی تعزیت اور ہمدردی کا اظہار کرتے ہوئے انہیں صبر جمیل عطا ہونے کی دعا کی۔
وزیراعظم نے زخمیوں کی جلد صحت یابی کے لیے دعا کرتے ہوئے متعلقہ حکام کو ہدایت کی کہ زخمیوں کو ہر ممکن طبی سہولیات فراہم کی جائیں اور امدادی کارروائیوں کو تیز کیا جائے۔