خضدار اور گردونواح میں 4.5 شدت کا زلزلہ

خضدار: ضلع خضدار اور گردونواح میں زلزلے کے جھٹکے محسوس کیے گئے، جس کے باعث شہریوں میں خوف و ہراس پھیل گیا۔

زلزلہ پیما مرکز کے مطابق زلزلے کی شدت ریکٹر اسکیل پر 4.5 ریکارڈ کی گئی جبکہ اس کی گہرائی 30 کلومیٹر تھی۔ زلزلے کا مرکز خضدار سے تقریباً 45 کلومیٹر مشرق میں بتایا گیا ہے۔

زلزلے کے جھٹکے خضدار شہر کے علاوہ قریبی علاقوں میں بھی محسوس کیے گئے۔ جھٹکے محسوس ہوتے ہی بعض لوگ گھروں اور دکانوں سے باہر نکل آئے۔

ابتدائی اطلاعات کے مطابق زلزلے کے نتیجے میں کسی جانی نقصان یا بڑے پیمانے پر مالی نقصان کی اطلاع نہیں ملی۔ ضلعی انتظامیہ اور متعلقہ اداروں کی جانب سے صورتحال کا جائزہ لیا جا رہا ہے۔