کوہلو میں فائرنگ، ایک شخص جاں بحق

کوہلو: نواحی علاقے سینجاڑ میں نامعلوم مسلح افراد کی فائرنگ سے ایک شخص جاں بحق ہوگیا۔

پولیس ذرائع کے مطابق فائرنگ کے نتیجے میں جاں بحق ہونے والے شخص کی شناخت خان محمد ولد ہیبت خان پوادی مری کے نام سے ہوئی ہے۔

واقعے کے بعد پولیس نے موقع پر پہنچ کر شواہد اکٹھے کیے، جبکہ جاں بحق شخص کی لاش ضروری کارروائی کے لیے ڈی ایچ کیو ہسپتال منتقل کردی گئی۔ پولیس نے واقعے کی مزید تحقیقات شروع کردی ہیں۔