نوشکی، خاران روڈ پر مائن دھماکہ، ڈرائیور جاں بحق، تین افراد زخمی

نوشکی کے خاران روڈ پر لجے کے علاقے میں پک اپ گاڑی مبینہ طور پر مائن سے ٹکرا گئی، جس کے نتیجے میں زور دار دھماکہ ہوا اور گاڑی تباہ ہوگئی۔ حادثے میں ڈرائیور جاں بحق جبکہ 3 افراد زخمی ہوگئے۔

علاقائی ذرائع کے مطابق پک اپ میں مجموعی طور پر 11 افراد سوار تھے، جو انار باغ میں انار کی لوڈنگ کے لیے جا رہے تھے۔ دھماکے کے باوجود گاڑی میں سوار 7 مزدور محفوظ رہے۔

حادثے کے بعد زخمیوں کو ٹیچنگ ہسپتال نوشکی منتقل کیا گیا، جہاں انہیں طبی امداد فراہم کی جا رہی ہے۔

ذرائع کے مطابق جاں بحق ڈرائیور اور تینوں زخمیوں کا تعلق نوشکی سے بتایا جاتا ہے۔