بولان میں بجلی کے ٹاور پر دھماکا، ڈھاڈر گریڈ اسٹیشن کی سپلائی معطل

بولان: ڈھاڈر گریڈ اسٹیشن کو بجلی فراہم کرنے والے 132 کے وی ٹرانسمیشن لائن کے ایک ٹاور کو نامعلوم افراد نے دھماکہ خیز مواد سے تباہ کردیا۔

ذرائع کے مطابق دھماکے کے نتیجے میں بجلی کا ٹاور گر گیا، جس کے باعث ڈھاڈر گریڈ اسٹیشن کو بجلی کی فراہمی معطل ہوگئی۔

بجلی کی بندش کے باعث ڈھاڈر اور گردونواح کے علاقے تاریکی میں ڈوب گئے، جبکہ بجلی کی بحالی کے لیے متعلقہ حکام کی جانب سے اقدامات جاری ہیں۔