ملگری استادان ضلع چمن کی رکنیت سازی مہم 20 ستمبر سے شروع ہوگی

ملگری اُستادان آرگنائزنگ کمیٹی ضلع چمن کا اہم اجلاس

باچا خان مرکز چمن میں 20 ستمبر سے رکنیت سازی مہم کا باقاعدہ آغاز

چمن( پ ر)آج بمورخہ 18 ستمبر 2026ء کو ملگری استادان آرگنائزنگ کمیٹی کا اجلاس ضلعی آرگنائزر حاجی گل باری مسلم دوست کی زیر صدارت منعقد ہوا۔ اجلاس میں ملگری استادان کے صوبائی رکن حاجی نور علی نور اچکزئی نے صوبائی نمائندے کی حیثیت سے شرکت کی۔ اجلاس کا باقاعدہ آغاز تلاوتِ کلامِ پاک سے ہوا۔ اجلاس میں مختلف امور، خصوصاً ملگری استادان کی رکنیت سازی پر تفصیلی غور و خوض کیا گیا۔ تمام اراکین نے اس بات پر زور دیا کہ مرکزی فیصلے کے مطابق ضلع چمن میں بھی ملگری استادان کی رکنیت سازی کو جلد از جلد مکمل کیا جائے گا اور ساتھ ہی اساتذہِ کرام کے مسائل کو حل کرنے کی بھی بھرپور کوشش کی جائے گی۔ اساتذہِ کرام کے جائز مسائل کے حل کے لیے کسی بھی قربانی سے دریغ نہیں کیا جائے گا۔ ضلع چمن میں تعصب اور بدنیتی کی بنیاد پر جو ناروا تبادلے ہو رہے ہیں، ہم ان کی پرزور مذمت کرتے ہیں۔ اجلاس میں متفقہ طور پر فیصلہ کیا گیا کہ 20 ستمبر بروز اتوار صبح 10:00 بجے باچا خان مرکز چمن میں ملگری استادان کی رکنیت سازی کا باقاعدہ آغاز کیا جائے گا اور ایک باوقار تقریب منعقد کی جائے گی۔ اس ضمن میں ضلع چمن کے تمام غیور اساتذہِ کرام سے اس تقریب میں شرکت کی اپیل کی جاتی ہے۔