لینڈ ریکارڈ کی ڈیجیٹلائزیشن مؤثر انداز میں مکمل کی جائے، حافظ محمد طارق

کوئٹہ: لینڈ ریکارڈ کی ڈیجیٹلائزیشن کے حوالے سے جائزہ اجلاس

ایڈیشنل ڈپٹی کمشنر (ریوینیو) حافظ محمد طارق کی زیرِ صدارت لینڈ ریکارڈ ڈیجیٹلائزیشن کے حوالے سے جائزہ اجلاس منعقد ہوا۔ اجلاس میں تحصیلدار سٹی، تحصیلدار صدر، تحصیلدار سریاب، سب ڈویژن کچلاک کے نمائندوں اور دیگر ریونیو عملے نے شرکت کی۔

اجلاس کے دوران ضلع کے تمام سب ڈویژنز سے لینڈ ریکارڈ کی ڈیجیٹلائزیشن کے عمل میں پیش رفت، درپیش مسائل اور موجودہ صورتحال کے حوالے سے تفصیلی رپورٹس اور فیڈ بیک حاصل کیا گیا۔

ایڈیشنل ڈپٹی کمشنر (ریوینیو) نے متعلقہ افسران و اہلکاروں کو ہدایت کی کہ لینڈ ریکارڈ کی ڈیجیٹلائزیشن کے عمل کو مقررہ اہداف کے مطابق تیز اور مؤثر انداز میں مکمل کیا جائے اور اس سلسلے میں درپیش مسائل کو بروقت حل کیا جائے۔