سونے اور چاندی کی قیمتوں میں 3 دن وقفے کے بعد آج اضافہ

کراچی: عالمی اور مقامی صرافہ مارکیٹوں میں 3 روزہ وقفے کے بعد سونے اور چاندی کی قیمتوں میں ایک بار پھر اضافہ ہوگیا۔

عالمی بلین مارکیٹ میں سونے کی فی اونس قیمت 8 ڈالر اضافے کے بعد 4 ہزار 404 ڈالر کی سطح پر پہنچ گئی، جس کے اثرات مقامی مارکیٹ پر بھی پڑے۔

مقامی صرافہ مارکیٹوں میں سونے کی فی تولہ قیمت 800 روپے بڑھ کر 4 لاکھ 62 ہزار 936 روپے ہوگئی، جبکہ 10 گرام سونے کی قیمت 686 روپے اضافے سے 3 لاکھ 96 ہزار 893 روپے کی سطح پر پہنچ گئی۔

دوسری جانب عالمی مارکیٹ میں چاندی کی فی اونس قیمت 72 سینٹس اضافے کے بعد 66 ڈالر 62 سینٹس ہوگئی۔ مقامی مارکیٹ میں فی تولہ چاندی کی قیمت 72 روپے اضافے سے 7 ہزار 141 روپے جبکہ 10 گرام چاندی کی قیمت 62 روپے بڑھ کر 6 ہزار 122 روپے ہوگئی۔

عالمی مارکیٹ میں اقتصادی حالات اور کرنسیوں کی قدر میں اتار چڑھاؤ کے باعث قیمتی دھاتوں کی قیمتوں میں بھی مسلسل تبدیلی دیکھی جا رہی ہے۔