گنداخہ: چیف آفیسر میونسپل کمیٹی غلام سرور خان رند نے چارج سنبھال کر کام شروع کردیا

گنداخہ: چیف آفیسر میونسپل کمیٹی غلام سرور خان رند نے چارج سنبھال کر کام شروع کردیا

گنداخہ(نورحسن جمالی) چیف آفیسر میونسپل کمیٹی گنداخہ غلام سرور خان رند نے دوبارہ تعیناتی کے بعد اپنے عہدے کا چارج سنبھال کر باقاعدہ کام شروع کردیا۔ اس موقع پر جنرل کونسلرز میر شیراز خان جمالی اور میر مرتضیٰ لاشاری سمیت دیگر شخصیات نے ان سے ملاقات کی۔

ملاقات کے دوران کونسلرز نے غلام سرور خان رند کی میونسپل کمیٹی گنداخہ میں دوبارہ تعیناتی کا خیرمقدم کرتے ہوئے انہیں مبارکباد پیش کی اور نیک خواہشات کا اظہار کیا۔

اس موقع پر میونسپل کمیٹی گنداخہ کے مختلف وارڈز میں جاری ترقیاتی اسکیموں، شہری مسائل اور بلدیاتی امور پر تفصیلی تبادلہ خیال کیا گیا۔ جنرل کونسلرز نے امید ظاہر کی کہ چیف آفیسر غلام سرور خان رند کی نگرانی میں جاری ترقیاتی منصوبوں کو مزید تیزی سے پایہ تکمیل تک پہنچایا جائے گا اور شہریوں کو بہتر بلدیاتی سہولیات کی فراہمی یقینی بنائی جائے گی۔

ملاقات کے موقع پر محی الدین، پریس کلب گنداخہ کے صدر سلیم گوپانگ اور صحافی نور حسن جمالی بھی موجود تھے۔