اسسٹنٹ کمشنر ماجد سلیم کا آر ایچ سی کان مہترزئی کا دورہ

مسلم باغ: اسسٹنٹ کمشنر ماجد سلیم کا آر ایچ سی کان مہترزئی کا دورہ، ہسپتال کی کارکردگی اور طبی سہولیات کا جائزہ لیا

اسسٹنٹ کمشنر مسلم باغ ماجد سلیم نے رورل ہیلتھ سینٹر (آر ایچ سی) کان مہترزئی کا دورہ کیا، جہاں انہوں نے ہسپتال کی فعالیت، عملے کی حاضری اور مریضوں کو فراہم کی جانے والی طبی سہولیات کا معائنہ کیا۔

اس موقع پر انہوں نے ہسپتال انتظامیہ کو ہدایت کی کہ عوام کو معیاری طبی سہولیات کی فراہمی یقینی بنائی جائے اور عملے کی حاضری سمیت تمام امور میں ذمہ داری کا مظاہرہ کیا جائے۔

اسسٹنٹ کمشنر ماجد سلیم نے واضح کیا کہ فرائض میں غفلت اور غیر حاضری پر کوئی سمجھوتہ نہیں کیا جائے گا، جبکہ عوامی صحت انتظامیہ کی اولین ترجیح ہے۔