امیر العظیم کی وفات سے پیدا ہونے والا خلا مدتوں محسوس ہوگا، شیخ جعفر خان مندوخیل

گورنر بلوچستان شیخ جعفر خان مندوخیل کا جماعت اسلامی پاکستان کے سیکرٹری جنرل امیر العظیم کے انتقال پر گہرے رنج و غم کا اظہار
گورنر بلوچستان شیخ جعفر خان مندوخیل نے جماعت اسلامی پاکستان کے سیکرٹری جنرل امیر العظیم کے انتقال پر گہرے دکھ اور افسوس کا اظہار کیا ہے۔
اپنے تعزیتی پیغام میں گورنر بلوچستان نے کہا کہ مرحوم ایک مدبر، باوقار اور بااصول سیاسی و سماجی شخصیت تھے، جنہوں نے ملک میں دینی، سیاسی اور عوامی خدمت کے میدان میں گراں قدر خدمات انجام دیں۔ ان کی وفات سے پیدا ہونے والا خلا مدتوں محسوس کیا جائے گا۔
گورنر مندوخیل نے مرحوم کے اہلِ خانہ، جماعت اسلامی پاکستان کی قیادت اور کارکنان سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ مرحوم کو اپنی جوارِ رحمت میں اعلیٰ مقام عطا فرمائے، ان کی کامل مغفرت فرمائے، درجات بلند کرے اور سوگوار خاندان سمیت تمام پسماندگان کو یہ عظیم صدمہ صبر و استقامت کے ساتھ برداشت کرنے کی توفیق عطا فرمائے۔ آمین۔