چراغ راہ تقریب میں ادبی شخصیات کی شرکت، علمی گفتگو کا انعقاد

چراغ راہ کی تقریب پذیرائی آج بروز بدھ 22 جولائی کو اکادمی ادبیات پاکستان کے شیخ ایاز کانفرنس ہال میں منعقد ہوئی۔ اس پروقار تقریب کی صدارت بین الاقوامی جامعہ رفاہ کے بانی وائس چانسلر پروفیسر ڈاکٹر انیس احمد صاحب نے کی، جبکہ الحمد اسلامک یونی ورسٹی کے صدر جناب ڈاکٹر شکیل روشن اس تقریب کے مہمان خصوصی تھے۔
مقررین میں جناب احمد حاطب صدیقی، جناب ڈاکٹر ظفر حسین ظفر، جناب خالد رحمان، جناب ڈاکٹر ارشد ناشاد اور جناب خورشید ندیم شامل تھے۔ تقریب کے آغاز میں جناب ڈاکٹر افتخار برنی نے پروفیسر خورشید احمد کے حوالے سے اپنی نظم لفظ زندہ رہتے ہیں سنائی۔
اس تقریب کی نظامت ڈاکٹر ریاض عادل نے کی۔