گنداواہ ڈبل روڈ پر بارش کا پانی جمع ہونا ناقص تعمیر کا ثبوت ہے، عوامی حلقے

گنداواہ، ( رپورٹ شیر احمد ساسولی نمائندہ صحافت)
ضلع جھل مگسی میں حالیہ بارش کے بعد گنداواہ ڈبل سڑک کا زیرِ تعمیر سڑک پر بارش کا پانی جمع ہو جانا تعمیراتی کام کے ناقص معیار اور متعلقہ اداروں کی غفلت کا واضح ثبوت ہے۔ کروڑوں روپے کی لاگت سے جاری منصوبہ اگر پہلی ہی بارش کا پانی برداشت نہ کر سکے تو اس سے منصوبے کی شفافیت اور معیار پر سنگین سوالات اٹھتے ہیں۔
ہم مطالبہ کرتے ہیں کہ اس منصوبے کی فوری اور غیر جانبدارانہ تحقیقات کرائی جائیں، ناقص تعمیر کے ذمہ دار ٹھیکیدار اور متعلقہ افسران کے خلاف کارروائی کی جائے، اور سڑک کی تعمیر انجینئرنگ معیار کے مطابق دوبارہ مکمل کی جائے تاکہ قومی خزانے کا مزید نقصان نہ ہو اور عوام کو ایک پائیدار اور معیاری سڑک میسر آ سکے۔
عوام کے ٹیکس سے خرچ ہونے والا ہر روپیہ امانت ہے، اور اس کے ضیاع کی ہرگز اجازت نہیں دی جا سکتی۔