پشتونستان چوک میں تجاوزات کے خلاف آپریشن، سڑکیں اور راستے کلیئر کر دیے گئے، محمد یوسف ہاشمی

ڈپٹی کمشنر کوئٹہ کی ہدایت پر پشتونستان چوک میں انسدادِ تجاوزات آپریشن

کوئٹہ: ڈپٹی کمشنر کوئٹہ مہراللہ بادینی کی ہدایات پر اسسٹنٹ کمشنر صدر محمد یوسف ہاشمی نے ایس پی ٹریفک کے ہمراہ پشتونستان چوک میں انسدادِ تجاوزات آپریشن کیا۔

آپریشن کے دوران سڑک اور راستے تھڑوں پر قائم تجاوزات، ریڑھیاں اور دیگر عارضی رکاوٹیں ہٹا دی گئیں جبکہ خلاف ورزی کرنے والوں کے خلاف قانونی کارروائی کرتے ہوئے متعدد افراد کو گرفتار بھی کیا گیا۔

انتظامیہ نے کہا کہ تجاوزات کے باعث ٹریفک کی روانی شدید متاثر ہو رہی تھی اور شہریوں کو آمدورفت میں مشکلات کا سامنا تھا۔ کارروائی کے دوران پورے علاقے کو کلیئر کر کے ٹریفک کی بلا تعطل روانی یقینی بنائی گئی۔