چاغی: دہشت گردوں نے غریب شہری کا کروڑوں روپے مالیت کا بوزر نذرِ آتش کر دیا

چاغی: ضلع چاغی کے علاقے کچکی کے قریب دہشت گردوں نے ایک غریب شہری کے کروڑوں روپے مالیت کے بوزر کو آگ لگا دی، جس کے نتیجے میں گاڑی مکمل طور پر جل کر خاکستر ہوگئی۔
ذرائع کے مطابق واقعے کے فوراً بعد مقامی افراد نے اپنی مدد آپ کے تحت آگ بجھانے کی بھرپور کوشش کی، تاہم شدتِ آتش کے باعث بوزر کو بچایا نہ جا سکا۔ دہشت گرد کارروائی کے بعد موقع سے فرار ہونے میں کامیاب ہوگئے۔
واقعے میں کوئی جانی نقصان نہیں ہوا، تاہم متاثرہ مالک کو کروڑوں روپے کا مالی نقصان پہنچا ہے۔ علاقے کے عوام نے اس واقعے کی شدید مذمت کرتے ہوئے مطالبہ کیا ہے کہ دہشت گردوں کے خلاف مؤثر کارروائی کی جائے اور متاثرہ شہری کو مناسب مالی امداد فراہم کی جائ