ملازمین کو حقوق کی جدوجہد سے نہیں روکا جا سکتا، نور علی نور اچکزئی

چمن(رنزوریار سے )گورنمنٹ ٹیچرزایسوسی ایشن آئینی ضلع چمن کےچیئرمین ودیگراراکین نے مشترکہ بیان میں کہا کہ ہم سمجھتے ہیں کہ اس قسم کے ہتھکنڈوں سے ملازمین کو ان کے جائز مطالبات اور حقوق کی جدوجہد سے نہیں روکا جا سکتا۔ ملازمین اپنے آئینی اور قانونی حقوق کے حصول کے لیے ہر پلیٹ فارم اور ہر فورم پر اپنی آواز بلند کرتے رہیں گے۔حکومت کی جانب سے کی جانے والی ان ناروا اور غیر ضروری گرفتاریوں کی گورنمنٹ ٹیچرز ایسوسی ایشن آئینی بھرپور اور پرزور مذمت کرتی ہے اور مطالبہ کرتی ہے کہ گرفتار عہدیداران کو فوری طور پر رہا کیا جائے۔