ڈیرہ بگٹی: واٹر ٹینکر پر فائرنگ، ایک ہی خاندان کے دو افراد شہید

ڈیرہ بگٹی: ڈیرہ بگٹی کے علاقے میں نامعلوم مسلح افراد کی جانب سے واٹر ٹینکر پر فائرنگ کے نتیجے میں ایک ہی خاندان کے دو افراد جاں بحق ہوگئے۔ پولیس حکام کے مطابق واقعہ پیش آنے کے بعد علاقے میں خوف و ہراس پھیل گیا جبکہ سیکیورٹی فورسز اور پولیس نے موقع پر پہنچ کر شواہد اکٹھے کر لیے۔

پولیس کا کہنا ہے کہ فائرنگ کے نتیجے میں جانبحق ہونے والے دونوں افراد کا تعلق ایک ہی خاندان سے ہے۔ لاشوں کو ضروری کارروائی کے لیے اسپتال منتقل کر دیا گیا جبکہ واقعے کی تحقیقات شروع کر دی گئی ہیں۔

حکام کے مطابق حملہ آور واردات کے بعد فرار ہونے میں کامیاب ہوگئے، جن کی تلاش کے لیے سرچ آپریشن جاری ہے۔ پولیس نے واقعے کے محرکات جاننے اور ملزمان کی گرفتاری کے لیے مختلف پہلوؤں سے تفتیش شروع کر دی ہے۔