عوام کو پانی کی فراہمی اولین ترجیح ہے،انجنئیر ندیم پانیزئی

پشین (۔۔۔۔۔۔۔) محکمہ پبلک ہیلتھ انجینئرنگ پشین کا اہم اجلاس ایکسین انجنیئر ندیم پانیزئی کی زیر صدارت منعقد ہوا، جس میں محکمے کے افسران اور عملے کے تمام اراکین نے شرکت کی۔ اجلاس میں جاری ترقیاتی منصوبوں، عوامی شکایات کے ازالے، محکمے کی کارکردگی اور مستقبل کی حکمت عملی پر تفصیلی تبادلۂ خیال کیا گیا۔اجلاس میں شریک افسران نے اس بات پر زور دیا کہ عوامی سہولیات کی فراہمی اولین ترجیح ہونی چاہیے اور پینے کے صاف پانی کی فراہمی، نکاسیٔ آب کے منصوبوں اور جاری ترقیاتی اسکیموں کو بروقت مکمل کرنے کے لیے عملی اقدامات کو یقینی بنایا جائے۔ اس موقع پر صوبائی سیکرٹری پی ایچ ای ہاشم غلزئی کی خدمات کو سراہتے ہوئے کہا گیا کہ ان کی قیادت میں محکمہ پبلک ہیلتھ انجینئرنگ میں اصلاحات، شفافیت اور کارکردگی میں نمایاں بہتری آئی ہے، جس پر انہیں زبردست خراجِ تحسین پیش کیا گیا۔ اجلاس سے خطاب کرتے ہوئے ایکسین انجنیئر ندیم پانیزئی نے کہا کہ محکمہ عوامی خدمت کے جذبے سے کام کر رہا ہے اور افسران و عملے کی بھرپور محنت کی بدولت محکمے کی کارکردگی میں نمایاں بہتری آئی ہے۔ انہوں نے اس عزم کا اظہار کیا کہ عوامی مسائل کے حل، ترقیاتی اسکیموں کی بروقت تکمیل اور محکمانہ شفافیت کے لیے تمام وسائل بروئے کار لائے جائیں گے تاکہ عوام کو بنیادی سہولیات ان کی دہلیز پر فراہم کی جا سکیں۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی