لاہور: ماں کے ہاتھوں 3 بچوں کے قتل کا واقعہ، ملزمہ کی سی سی ٹی وی سامنے آگئی

لاہور: ماں کے ہاتھوں 3 بچوں کے قتل کا واقعہ، ملزمہ کی سی سی ٹی وی سامنے آگئی

لاہور کے علاقے اچھرہ میں گزشتہ روزبچوں کےقتل کے واقعے میں ملزمہ کی سی سی ٹی وی سامنے آگئی۔

پولیس کے مطابق سی سی ٹی وی میں ملزمہ کو گلی سے باہر نکلتے دیکھاجاسکتا ہے اور ملزمہ نے واپس آکر محلے داروں کےساتھ مل کر 15 پر بھی کال کی۔

پولیس کے مطابق سی سی ٹی وی کو معائنے کےلیے پی ایف ایس اے بھجوا دیا گیا ہے۔

دوسری جانب 3 بہن بھائی کی لاشوں کا پوسٹ مارٹم مکمل کرلیا گیا اور لاشیں ورثاکےحوالے کردی گئی ہیں، ورثا مقتولین کی لاشیں آبائی گاؤں جھنگ لے گئے۔

یاد رہے کہ تین بچوں 5 سالہ مومنہ بتول، 4 سالہ مومن رضا اور ڈیڑھ سالہ امہ حبیبہ کی گلا کٹی لاشیں اچھرہ کے ایک گھر سے ملی تھیں، بچوں کو تیزدھار آلے سے قتل کیا گیا ہے۔

بعدازاں تحقیقات میں ہولناک انکشاف سامنے آیا کہ تینوں بچوں کی قاتل سگی ماں نکلی جب کہ ابتدائی تفتیش میں ملزمہ نے اعتراف جرم کر لیا۔