سونے کی قیمت میں کمی، فی تولہ کتنے کا ہوگیا؟

کاروباری ہفتے کے پہلے روز عالمی اور مقامی مارکیٹوں میں سونے اور چاندی کی قیمتوں میں کمی ریکارڈ کی گئی ہے۔

تفصیلات کے مطابق بین الاقوامی بلین مارکیٹ میں فی اونس سونا 49 ڈالر کی کمی کے بعد 4 ہزار 788 ڈالر کی سطح پر آ گیا ہے۔

عالمی مارکیٹ میں کمی کے اثرات مقامی صرافہ بازاروں پر بھی پڑے، جہاں فی تولہ سونے کی قیمت 4 ہزار 900 روپے کم ہو کر 5 لاکھ 1 ہزار 162 روپے تک پہنچ گئی۔ اسی طرح فی 10 گرام سونا 4 ہزار 201 روپے سستا ہو کر 4 لاکھ 29 ہزار 665 روپے کی سطح پر آ گیا۔

چاندی کی قیمتوں میں بھی کمی دیکھی گئی ہے، فی تولہ چاندی 145 روپے کمی کے بعد 8 ہزار 417 روپے جبکہ فی 10 گرام چاندی 124 روپے کمی سے 7 ہزار 216 روپے پر آ گئی ہے۔