جنگ بندی کی کوششیں ، اسلام آباد میں 4 ملکی وزرائے خارجہ کی اہم نشست آج ہو گی

اسلام آباد: ایران کے خلاف جنگ بندی کے لیے آج ایک اہم اجلاس منعقد ہوگا جس میں وزیر خارجہ اسحاق ڈار کی سربراہی میں سعودی عرب، ترکیہ اور مصر کے وزرائے خارجہ شریک ہوں گے۔

اس اجلاس کی صدارت خود اسحاق ڈار کریں گے۔ ان کی دعوت پر ترکیہ اور مصر کے وزرائے خارجہ اسلام آباد پہنچ چکے ہیں، جبکہ سعودی وزیر خارجہ آج شرکت کریں گے۔ اجلاس کے بعد تینوں ممالک کے وزرائے خارجہ وزیراعظم شہباز شریف سے بھی ملاقات کریں گے۔

وزیر خارجہ اسحاق ڈار نے کہا کہ ایران سے بات چیت جاری ہے اور حکومت ایمان داری اور نیک نیتی کے ساتھ تنازع ختم کرنے کی کوشش کر رہی ہے۔ انہوں نے مزید کہا کہ دوست ممالک اس عمل میں بھرپور تعاون کر رہے ہیں۔

واضح رہے کہ امریکا کی جانب سے ایران کے لیے پیش کی گئی جنگ بندی تجاویز کو ایران نے مسترد کر دیا ہے اور ٹھوس ضمانتوں کا مطالبہ کیا ہے۔