میٹا نے انسٹا گرام ڈائریکٹ میسجز کیلئے اینڈ ٹو اینڈ انکرپشن سپورٹ ختم کر دی

میٹا نے انسٹا گرام کے ڈائریکٹ میسجز (ڈی ایمز) کے لیے اینڈ ٹو اینڈ انکرپشن سپورٹ 8 مارچ 2026 سے ختم کر دی ہے۔

کمپنی کی جانب سے صارفین کو الرٹس اور سپورٹ پیج اپ ڈیٹ کے ذریعے آگاہ کیا گیا کہ اب انسٹا گرام میں اینڈ ٹو اینڈ انکرپٹڈ میسجنگ دستیاب نہیں ہوگی۔

میٹا کے ترجمان کے مطابق یہ فیچر ختم کرنے کی وجہ یہ ہے کہ بہت کم صارفین اس کا استعمال کر رہے تھے۔ صارفین اپنی چیٹس یا میڈیا کو ڈاؤن لوڈ کر کے محفوظ رکھ سکتے ہیں، اور پرانا ورژن استعمال کرنے والے پہلے ایپ کو اپ ڈیٹ کریں۔

اینڈ ٹو اینڈ انکرپشن صارفین کے میسجز اور کالز کو مکمل محفوظ بناتی ہے، یہاں تک کہ میٹا بھی اس ڈیٹا تک رسائی حاصل نہیں کر سکتا۔ صارفین اگر اس فیچر کا فائدہ لینا چاہتے ہیں تو واٹس ایپ یا فیس بک میسنجر استعمال کر سکتے ہیں۔