کوئی بچہ پولیو سے بچاؤ کے قطروں سے محروم نہ رہے، ماجد سلیم

مسلم باغ:
اسسٹنٹ کمشنر مسلم باغ ماجد سلیم کی زیرِ صدارت مسلم باغ میں جاری انسدادِ پولیو مہم کے پہلے روز کی ایوننگ ریویو میٹنگ منعقد ہوئی۔
اجلاس میں پولیو مہم کے پہلے روز کی مجموعی پیش رفت، پولیو ٹیموں کی کارکردگی، بچوں کی کوریج، رہ جانے والے بچوں اور فیلڈ میں درپیش مسائل کا تفصیلی جائزہ لیا گیا۔
اس موقع پر اسسٹنٹ کمشنر ماجد سلیم نے متعلقہ افیسران اور پولیو ٹیموں کو ہدایت کی کہ مہم کے دوران کوئی بھی بچہ پولیو سے بچاؤ کے حفاظتی قطروں سے محروم نہ رہے اور رہ جانے والے بچوں تک رسائی کے لیے مؤثر اقدامات یقینی بنائے جائیں۔
انہوں نے مزید ہدایت کی کہ انسدادِ پولیو مہم کو کامیاب بنانے کے لیے تمام متعلقہ ادارے، فیلڈ ٹیمیں اور انتظامیہ باہمی رابطے اور بھرپور تعاون کے ساتھ اپنی ذمہ داریاں انجام دیں، تاکہ مقررہ اہداف کو مؤثر انداز میں حاصل کیا جا سکیں