ڈاکٹر ناشناس کالونی کا ٹرانسفارمر گذشتہ ایک ہفتے سے خراب، اہلِ علاقہ بجلی سے محروم

ایس ڈی او اور متعلقہ لائن مین سے بار بار رابطہ کرنے کے باوجود تاحال ٹرانسفارمر کی مرمت یا تبدیلی عمل میں نہیں لائی گئی
علاقہ مکینوں سے کرین کے پیسے اور واپڈا گاڑی میں ڈیزل ڈلوانے کے پیسے لینے کے بعد اب ٹرانسفارمر کو بنانے کیلئے مٹھائی و خرچہ پانی کے عیوض 30 ہزار روپے مزید طلب کرنا ظلم ہے ، اہل علاقہ
کوئٹہ، ڈاکٹر ناشناس کالونی کا ٹرانسفارمر گذشتہ ایک ہفتے سے خراب پڑا ہے جس کے باعث پورا علاقہ بجلی سے محروم ہے۔ اہلِ محلہ کے مطابق ایس ڈی او اور متعلقہ لائن مین سے بار بار رابطہ کرنے کے باوجود تاحال ٹرانسفارمر کی مرمت یا تبدیلی عمل میں نہیں لائی گئی صرف جھوٹی تسلی سے کام لیا جارہا ہے علاقہ مکینوں کو کہنا ہے کہ کرین کے پیسے اور واپڈا گاڑی میں ڈیزل ڈلوانے کے پیسے بھی لیئے گئے اب ٹرانسفارمر کو بنانے کیلئے مٹھائی و خرچہ پانی کے عیوض 30 ہزار روپے مانگے جارہے ہے کرپٹ لاین مین جو کے اوستہ محمد شہر سے نیب زدہ ہے انکو بروری سب ڈویژن میں تعینات کرکے کوئٹہ شہر کے عوام کو بھی تکلیف دیاجارہا ہے
علاقہ مکینوں کا مزید کہنا ہے کہ بجلی کی طویل بندش نے معمولاتِ زندگی مفلوج کر دیے ہیں۔ گھروں میں پانی کی فراہمی متاثر ہے جبکہ لوگوں کو بھی شدید مشکلات کا سامنا ہے۔ شہریوں نے کیسکو نے کیسکو چیف ، وفاقی محتسب اعلی سمیت متعلقہ حکام سے مطالبہ کیا ہے کہ فوری نوٹس لے کر ٹرانسفارمر کی مرمت یا تبدیلی کو یقینی بنایا جائے تاکہ عوام کی مشکلات کا ازالہ ہو سکے۔
اہلِ علاقہ نے خبردار کیا ہے کہ اگر مسئلہ فوری حل نہ کیا گیا تو احتجاج کا راستہ اختیار کرنے پر مجبور ہوں گے