یوم دفاع؛ مزار قائد پر گارڈز کی تبدیلی کی پُروقار تقریب، پاک فضائیہ کے کیڈٹس نے فرائض سنبھال لیے

کراچی، 6 ستمبر 2026: یومِ دفاع کے موقع پر مزارِ قائد پر گارڈز کی تبدیلی کی پروقار تقریب منعقد ہوئی، جہاں پاک فضائیہ کے کیڈٹس نے گارڈز کے فرائض سنبھال لیے۔

تقریب میں پاکستان ایئر فورس اکیڈمی کے ایئر آفیسر کمانڈنگ اصغر خان اور ایئر وائس مارشل حسن فیصل نے بطور مہمان خصوصی شرکت کی۔

اس موقع پر پاک فضائیہ کے 72 کیڈٹس پر مشتمل دستے نے پریڈ پیش کی، جس میں 64 مرد اور 8 خواتین کیڈٹس شامل تھے۔

گارڈز کی تبدیلی کی تقریب کے دوران کیڈٹس نے مزارِ قائد پر اپنے فرائض سنبھال کر بابائے قوم قائداعظم محمد علی جناح کو خراجِ عقیدت پیش کیا۔