پمز میں 14 بچوں کی ہلاکت؛ وزیراعظم کمیٹی کی رپورٹ پر پولیس کارروائی شروع

اسلام آباد: پمز اسپتال میں 14 بچوں کی ہلاکت کے معاملے پر وزیراعظم کی جانب سے قائم کردہ تحقیقاتی کمیٹی کی رپورٹ سامنے آنے کے بعد پولیس نے بھی باقاعدہ کارروائی شروع کردی ہے۔

ذرائع کے مطابق انکوائری رپورٹ کی روشنی میں پمز اسپتال کے معطل افسران سمیت نامزد افراد کے بیانات ریکارڈ کرلیے گئے ہیں۔

وفاقی پولیس فوجداری قانون کے تحت واقعے کی تحقیقات کررہی ہے جبکہ تھانہ کراچی کمپنی پولیس نے بھی تمام نامزد افسران کے بیانات قلمبند کرلیے ہیں۔

پولیس نے دفعہ 174 کے تحت کارروائی کا آغاز کرتے ہوئے واقعے کے مختلف پہلوؤں کا جائزہ لینا شروع کردیا ہے۔