بلوچ خواتین بلوچستان کی ثقافت، تعلیم اور سماجی اقدار کی مضبوط بنیاد ہیں، میر ضیاء اللہ لانگو

کوئٹہ: صوبائی وزیر داخلہ میر ضیاء اللہ لانگو نے کہا ہے کہ بلوچ خواتین نے ہمیشہ نئی نسل کی تعلیم و تربیت میں اہم کردار ادا کیا ہے۔

انہوں نے کہا کہ بلوچ خواتین ہماری روایات کے تحفظ اور مثبت سماجی اقدار کے فروغ میں نمایاں کردار ادا کر رہی ہیں۔ خواتین نہ صرف خاندان کی مضبوطی کا باعث ہیں بلکہ بلوچستان کے روشن مستقبل کی بھی امید ہیں۔

میر ضیاء اللہ لانگو کا کہنا تھا کہ بلوچستان کی خواتین نے مختلف شعبوں میں اپنی صلاحیتوں کا لوہا منوایا ہے اور صوبے کی ترقی میں بھی اہم کردار ادا کر رہی ہیں۔