پنجگور میں فائرنگ کا واقعہ، پولیس اہلکار شاہ حسین جاں بحق

پنجگور تسپ اسٹار چوک کے قریب نامعلوم مسلح افراد کی فائرنگ کے نتیجے میں ایک پولیس اہلکار جاں بحق ہوگیا پولیس ذرائع کے مطابق پولیس کانسٹیبل شاہ حسین ولد شفیع محمد تسپ اسٹار چوک میں ایک دکان پر موجود تھا کہ اسی دوران گاڑی میں سوار نامعلوم مسلح افراد نے اس پر اچانک فائرنگ کردی فائرنگ کے نتیجے میں کانسٹیبل شاہ حسین شدید زخمی ہوگیا، جسے فوری طور پر ٹیچنگ ہسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گیا واقعے کے بعد پولیس جائے وقوعہ کو گھیرے میں لے کر شواہد اکٹھے کرنا شروع کردیئے پولیس کے مطابق ضروری کارروائی کے بعد لاش ورثاء کے حوالے کردی گئی ہے جبکہ نامعلوم حملہ آوروں کی تلاش کیلئے مختلف علاقوں میں سرچ آپریشن اور ناکہ بندی بھی کی جارہی ہے حکام کا کہنا ہے کہ واقعے کی ہر پہلو سے تحقیقات جاری ہیں۔*