اضلاع اور ڈویژنز میں ردوبدل تاریخی اور جغرافیائی روایات کی پامالی ہے، پشتونخوا میپ

پشتونخواملی عوامی پارٹی کے مرکزی سیکرٹریٹ کے جاری کردہ پریس ریلیز میں صوبے میں اضلاع اور ڈویژن کی تاریخی جغرافیائی اور معاشرتی انتظامی ماضی کو پائمال کرنے والی سوشل میڈیا کی خبرکی مذمت کرتے ہوئے اسے مسترد کیا گیا ہے۔ بیان میں کہا گیا ہے کہ غیرمنتخب حکومت کا یہ اقدام تاریخی جغرافیائی ثقافتی، معاشرتی اقدام کی کھلی خلاف ورزی ہے اور اسے کسی طرح بھی قبول نہیں کیا جاسکتا۔ بیان میں کہا گیا ہے کہ یکطرفہ اضلاع اورڈویژنز میں اضافے اور اس کے ذریعے تاریخ مسخ کرنے کا اختیار کسی کو حاصل نہیں۔ پشتون بلوچ سیال برابر اقوام اور ان کے تاریخی وطنوں، ان کے سماجی رشتے پامال کرنے کا اختیار کسی کو حاصل نہیں۔ اضلاع اور ڈویژنز کی تشکیل میں انگریزوں کے برٹش بلوچستان اکثریتی پشتون سرزمین اور ریاست قلات اسٹیٹس پر دو انتظامی یونٹوں کی بنیاد پر کام کرتے چلے آئے ہیں۔ غیر منتخب حکومت کے اس سازشی منصوبے جس میں مختلف پشتون بلوچ قبائل اور ان کے قبائلی حیثیت اور روایات کی کھلی پامالی اور خلاف ورزی ہے۔ بیان کے آخر میں کہا گیا ہے کہ وزیر اعلیٰ اور ان کی نام نہاد کابینہ کو اپنا ارادہ اور فیصلہ واپس لینا ہوگا اور اس طرح کے کاموں اور خبروں سے اجتناب برتنا ہوگا۔ صوبے کے پشتون ان سازشی منصوبوں کو قبول نہیں کریں گے اور نہ ہی کسی کو اجازت دیں گے۔* See less

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی