کوئٹہ دھماکے کی شدید مذمت، معصوم شہریوں کو نشانہ بنانا انسانیت پر حملہ ہے، ڈاکٹر جاوید اختر جمالی

گنداخہ:( نامہ نگار فریداحمد) چیئرمین میونسپل کمیٹی گنداخہ ڈاکٹر جاوید اختر جمالی نے کوئٹہ میں ہونے والے دھماکے کی شدید الفاظ میں مذمت کرتے ہوئے کہا ہے کہ یہ واقعہ انتہائی افسوسناک، بزدلانہ اور انسانیت سوز کارروائی ہے، جس کی جتنی بھی مذمت کی جائے کم ہے،انہوں نے کہا کہ معصوم اور بے گناہ شہریوں کو نشانہ بنانا انسانیت پر کھلا حملہ ہے اور ایسے عناصر کسی رعایت کے مستحق نہیں۔انہوں نے اپنے جاری کردہ مذمتی بیان میں کہا کہ دکھ اور غم کی اس گھڑی میں ہم شہداء کے لواحقین کے غم میں برابر کے شریک ہیں اور ان کے لیے صبرِ جمیل کی دعا کرتے ہیں۔ ڈاکٹر جاوید اختر جمالی نے کہا کہ دہشت گردی کے ایسے واقعات قوم کے حوصلے پست نہیں کر سکتے، بلکہ پوری قوم متحد ہوکر امن دشمن عناصر کے خلاف کھڑی ہے۔انہوں نے اللہ تعالیٰ سے دعا کی کہ وہ تمام شہداء کو جنت الفردوس میں اعلیٰ مقام عطا فرمائے،زخمیوں کو جلد مکمل صحتیابی نصیب کرے اور متاثرہ خاندانوں کو یہ صدمہ برداشت کرنے کا حوصلہ عطا فرمائے۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی