کیچ میں امن و امان مخدوش، عوام غیر محفوظ ہیں، مولانا سعید تگرانی

تربت: مرکزی جمعیت اہلِ حدیث کیچ کے امیر مولانا سعید احمد تگرانی نے کہا ہے کہ بارڈر کاروبار کی بندش سے عوام فاقوں پر مجبور ہو چکے ہیں۔
انہوں نے کہا کہ عید کے دنوں میں عوام کی خوشیاں بارڈر کاروبار سے وابستہ ہوتی ہیں، اس لیے حکمرانوں اور متعلقہ اداروں کی ذمہ داری ہے کہ وہ کیچ کے عوام کو روزگار فراہم کریں اور فوری طور پر بارڈر پوائنٹس کھول دیں۔
انہوں نے مزید کہا کہ ضلع کیچ میں مجموعی طور پر امن و امان کی صورتحال انتہائی مخدوش ہے، جبکہ بلیدہ سمیت تربت شہر میں عوام کی جان و مال محفوظ نہیں۔
ان کا کہنا تھا کہ ایسا محسوس ہوتا ہے جیسے عوام لاوارث ہیں۔ حکومت کو عوام کی جان و مال کے تحفظ میں کوئی دلچسپی نہیں، بلکہ وہ صرف اقتدار کے مزے لوٹ رہی ہے اور اس کا مقصد محض حصولِ اقتدار ہے۔
مولانا سعید احمد تگرانی نے زور دیا کہ بارڈر پوائنٹس کھولنے کے لیے سیاسی جماعتوں کو آل پارٹیز کیچ کے فورم کے ذریعے عملی اقدامات اٹھانے ہوں گے تاکہ عوام کو روزگار فراہم کیا جا سکے۔
انہوں نے کہا کہ مکران سمیت ضلع کیچ میں بارڈر بندش کے باعث ڈکیتی کے واقعات میں اضافہ ہو گیا ہے اور عوام خود کو غیر محفوظ سمجھتے ہیں، لہٰذا بارڈر پوائنٹس کو فوری طور پر کھولا جائے۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی