عدالت کے باہر فائرنگ، لاڑکانہ کا رہائشی شخص زخمی

ڈیرہ مراد جمالی میں عدالت کے باہر نامعلوم مسلح افراد کی فائرنگ سے لاڑکانہ سندھ کا رہائشی شخص زخمی ہوگیا۔

ذرائع کے مطابق لاڑکانہ سے تعلق رکھنے والا بہرام ولد عبدالطیف قوم کٹوہر کسی مقدمے کی پیشی کے لیے عدالت آیا تھا۔ عدالت کے باہر پہنچنے پر نامعلوم مسلح افراد نے اسے فائرنگ کا نشانہ بنایا، جس کے نتیجے میں وہ زخمی ہوگیا۔

فائرنگ کے بعد زخمی بہرام کو فوری طور پر سول ہسپتال ڈیرہ مراد جمالی منتقل کیا گیا، جہاں اسے طبی امداد فراہم کی جا رہی ہے۔

واقعے کی اطلاع ملتے ہی سٹی پولیس موقع پر پہنچ گئی اور علاقے کو گھیرے میں لے کر ملزمان کی تلاش شروع کردی۔ ابتدائی طور پر فائرنگ کی وجہ پرانی دشمنی بتائی جا رہی ہے۔

پولیس نے واقعے کی مزید تفتیش شروع کردی ہے جبکہ ملزمان کی گرفتاری کے لیے تلاش جاری ہے۔