میرواہ گورچانی میں واپڈا کا بڑا آپریشن، غیر قانونی کنکشن منقطع

میرپور خاص( بیورو چیف رانا علی اکبر ) میرواہ گورچانی میں واپڈا کا بڑا آپریشن، غیر قانونی کنکشنمنقطع میرواہ گورچانی میں واپڈا حکام نے بجلی چوری اور بقایاجات کے خلاف کارروائیاں مزید سخت کر دیں۔ ایس ڈی او واپڈا محمد رفیق شاہانی کی ہدایات پر مصطفیٰ ماڈل ٹاؤن بیج نمبر 16 میں خصوصی آپریشن کیا گیا، جہاں ایل ایس سکندر پنہور، لائن مین ذاکر حسین راجپوت، شاهد لغاری اور عظمت علی نے ٹیم کے ہمراہ کارروائی کرتے ہوئے کئی غیر قانونی اور ڈائریکٹ کنکشن منقطع کر دیے۔کارروائی کے دوران ایسے صارفین کو بھی نوٹس جاری کیے گئے جن کے ذمے بجلی کے بقایاجات موجود ہیں۔ اس موقع پر ایس ڈی او واپڈا محمد رفیق شاہانی اور ایل ایس سکندر پنہور نے کہا کہ بجلی چوری اور بقایاجات کسی صورت برداشت نہیں کیے جائیں گے، جبکہ تمام نادہندگان کو ہدایت کی گئی ہے کہ فوری طور پر اپنے واجبات جمع کروائیں، بصورت دیگر مزید سخت قانونی کارروائی عمل میں لائی جائے گی۔
واپڈا حکام کے مطابق بجلی چوری کے خاتمے اور ریکوری مہم کو مزید مؤثر بنایا جا رہا ہے تاکہ ذمہ دار صارفین پر اضافی بوجھ کم ہو سکے۔