ایران کو دھمکیوں سے نہیں جھکایا جا سکتا، ایرانی سفیر رضا امیری مقدم

ایران کے سفیر رضا امیری مقدم نے کہا ہے کہ ایران کو کسی بھی قسم کی دھمکی یا دباؤ کے ذریعے جھکایا نہیں جا سکتا اور نہ ہی غیر منطقی مطالبات منوائے جا سکتے ہیں۔

Browse Posts

بجلی کے نظام کی جدیدیت کی جانب اہم پیشرفت، اسمارٹ میٹرز کی تنصیب لازمی قرار

موجودہ حالات میں قبائلی و سیاسی اتحاد ناگزیر ہے،احمد خان اچکزئی

آبنائے ہرمز کی ناکہ بندی مذاکرات میں رکاوٹ ہیں، فیلڈ مارشل کی ٹرمپ سے گفتگو

انہوں نے سوشل میڈیا پلیٹ فارم ایکس پر اپنے بیان میں کہا کہ بین الاقوامی قوانین کی خلاف ورزی کرتے ہوئے ناکہ بندی برقرار رکھنا اور ایران کو جنگی جرائم کی دھمکیاں دینا کسی صورت قابل قبول نہیں۔

سفیر نے مزید کہا کہ محض بیانات کے ذریعے سفارت کاری کا تاثر دینا حقیقت کے برعکس ہے، جب تک ایران کے خلاف بحری ناکہ بندی ختم نہیں ہوتی، مسائل حل نہیں ہو سکتے۔

دوسری جانب امریکا نے دعویٰ کیا ہے کہ اس کی فوج نے ایک ایرانی بحری جہاز کو تحویل میں لے لیا ہے۔ سینٹکام کے مطابق یہ کارروائی اس وقت کی گئی جب جہاز آبنائے ہرمز میں ناکہ بندی کی خلاف ورزی کر رہا تھا۔

امریکی صدر ڈونلڈ ٹرمپ نے بھی سوشل میڈیا پر بیان دیتے ہوئے کہا کہ امریکی فورسز نے ایرانی جہاز کو روک کر تحویل میں لیا ہے۔

تجزیہ کاروں کے مطابق یہ صورتحال خطے میں کشیدگی میں مزید اضافہ کر رہی ہے، جہاں سفارتی کوششوں کے ساتھ ساتھ زمینی کارروائیاں بھی جاری ہیں۔